tour sa national museum

dahil sa work ko sa manila international performing arts market 2019, ako iyong parang asst ng isang delegate na mula sa bangkok, thailand, si sasapin siriwanij, napabisita ako at napasama sa isang tour sa national museum noong sept 20, 2019.

we were about 20 sa group. marami ang foreigner (taga-thailand, taga-taiwan, taga-mongolia, taga-australia). medyo hindi engaging ang script ng tour guide na na-assign sa amin. kung ano ang mapasok namin na room, iyon na, papasok na kami. so, walang nabuong story tungkol sa ating mga filipino, tungkol sa ating bayan at tungkol sa ating mga kahayupan at kahalamanan. walang mas maayos na flow. mas conscious siya sa trivia (like ang whale shark daw ay pahalang ang buntot, ang dolphin ay patayo) kaysa sa narrative at halaga ng mga species at lugar sa buhay natin.

mayroon ding ilang sablay na salin like pygmy forest, ang kapandakan ng kabundukan. ang pygmy forest pala ay nagtatampok ng maliliit na puno, maliliit na hayop at iba pa. meaning maliit, hindi pandak. ang pandak kasi, napigilan ang growth, ganon. may nangyaring assault sa growth ng isang species. e ito, sadyang maliit lang ang mga halaman at hayop, so hindi dapat pagkapandak ang ginamit na term.

anyway, sa ganda ng lugar, nag-enjoy ako!

may isang room na puro insekto. may isang room na may kapiraso ng submarine. may isang room na puro pinatigas na hayop na matatagpuan sa gubat, gaya ng... daga! may isang room na naroon si lolong, ang higanteng buwaya. may isang room na may campsite, may manekin din ng researcher. ipinakita doon ang buhay ng mga researcher sa gubat. may isang room na kurtinang napo-projectan ng video ng waterfalls, complete with sound. may isang room na parang sinehan, doon ko napanood ang mga unesco world heritage sites na nasa pinas gaya ng tubbataha, palawan underground river at isang kagubatan sa ibabaw ng bundok, i forgot the name. may isang room din na may globo sa gitna at picture ng mayon. gandang ganda ako kasi ang laki ng larawan at ang perfect talaga ng bulkan na ito. bagay talaga ang salitang majestic para sa kanya. may isang room din na puro shells naman ang laman. may isang room na puro bato ang laman, sabi ng tour guide, marmol ang pinakamatandang bato sa national museum. natagpuan sa romblon, ito ay tinatayang 252 million years old na. omg! favorite ko rin ang room na ngipin ng nakangangang balyena ang sasalubong sa iyo. di namin ito napasok pero agad ko itong napiktyuran pagdaan namin.

isa sa mga nagustuhan kong item sa national museum (bukod sa matandang matandang matandang bato) ay isang matandang dahon. ito ay ixora longistipula merr.ayon sa papel na nakapaskil dito. ito ay natagpuan sa balinsasayao forest reserve sa abuyog, leyte noong july 1961 para sa philippine national herbarium.

nagustuhan ko rin of course ang pinakagitna ng museum, ang structure na tree of life. very modern. mamamangha ka talaga. maganda rin ang tatlong malaking larawan ng mga hayop na dito lang daw sa atin matatagpuan: tarsier, tamaraw at agila/banoy/eagle/haribon.

bisitahin ninyo, guise, ang national museum major in natural history. ito iyong nasa tabi ng playground sa luneta. free and open to public siya tuesdays to sundays. akyatin hanggang sa pinakamataas na floors para masulit ang pagpunta ninyo rito. may elevators naman for seniors and for those na may dalang stroller ng mga bata. magaganda ang cr, bago pa at may staff na naglilinis. iwasang magdala ng mga bag kasi ipinapaiwan ang mga ito sa baggage counter. kailangan din comfortable ang sapin sa paa dahil mega lakad sa buong museo ang gagawin ninyo.

enjoy!