nick joaquin literary awards 2019

first time naming dumalo ni papa p sa nick joaquin literary awards na itinataguyod ng magasin na philippines graphic. ang magasin na ito ay pagmamay-ari ng cabangon family. ginanap ang awards noong sept 20, 2019 sa citystate tower hotel, ermita, manila. sa padre faura lang ito. first time ko rin sa hotel na iyon, though a few steps away lang ang bahay ng mga lolo't lola ko na chinese, at doon ako lumaki sa lugar na iyon. maganda pala sa loob. malaki ang venue sa 5th floor, mataas ang kisame.

ang saya ng gabi, di siya pormal na pormal. relaxed ang mga attendee na writers mostly from the metro, and karatig provinces (tulad namin, cavite!).

nandoon si national artist f sionil jose at ang wife niyang si mam tessie. they stayed hanggang sa halos matapos na ang awarding ceremony. napakalapit lang ng venue na ito sa kanilang solidaridad bookshop. mga 2 min. walk!

nanalong poet of the year si mark angeles, he was there to receive the award. umakyat din ng stage si mam jenny ortuoste to receive award for her fiction. inanunsiyo rin na ang njla ay mapupunta na ang pamumuno sa ust sa pamamagitan ng literature dept at creative writing center and literary studies dahil mayroon nang research grant ang cabangon family sa ust. cabangon family ang may ari ng Philippines graphic magazine.

ang mga nakasama namin that night ay sina kooky tuason, marty tengco, karl orit, dax cutab, lester abuel, rr cagalingan, na by the way nag-perform ng balagtasan tungkol sa kung sino ang dapat na masusunod sa bahay, ang babae o ang lalaki, sir roland tolentino, sonny villafania, mam susan lara, mag-asawang dean at nikki alfar, sir fidel rillo, sir john jack wigley, mam jing pantoja hidalgo, sir lito zulueta, sir eros atalia, sir joey delos reyes, sir carlomar daoana, cheska lauengco, sir marne kilates and wife mam grace, mam andrea pasion flores, sir jun cruz reyes, sir krip yuson, alma anonas-carpio, sir charlson ong, and of course, ang mag-asawang che sarigumba at chief joel pablo salud (ang dahilan kung bakit kami naimbitahan sa njla). nandoon din si chen sarigumba at si likha, ang baby nina che at chief na inaanak ko. (nakita ko rin si miguel syjuco na sobrang guwapo talaga sa personal, walang pores, my god. parang model ng pond's for men.)

maraming beer at iba pang inumin. may food din (si papa p lang ang kumain sa buffet dahil sitsirya (clover, cheese flavor!) ang tinira ko, guise, hello libreng junk food, hello), maayos ang registration, maraming staff doon. at noong uwian, may lootbag pa para sa lahat ng dumalo. ano ba itong mga ikinukuwento ko, puro logistics? kaloka. ang hirap ihiwalay ang utak-trabaho sa utak-bebang.

anyway, ang nakapagpasaya sa aming mga manunulat ay ang raffle hahaha. at nanalo ang marami sa writers na naroon. bakit? kasi nag-stay kami, chill lang ang party e, at marami pang inumin. masaya! so iyong iba na di siguro trip iyon, nag-uwian na. ang daming tinawag na wala na doon sa venue na iyon hahaha kaya nabigyan ng chance na matawag kaming mga naiwan. mabuhay!

so ito yung mga napanalunan ng mga utaw:
dean alfar,dax cutab at marty tengco -plantsa, tig iisa naman hahaha sabi ni marty wala bang kabayo?
charlson ong-egg beater! tawang tawa kami. si sir charlson naman, inilagay agad sa ilalim ng kilikili niya ang kahon ng premyo niya
mam susan lara-lalagyan ng inumin
sir fidel rillo-overnight stay for 2 sa tagaytay
mam jing hidalgo-overnight stay for 2 sa isang hotel yata sa qc
ako at mark angeles-tig 5k worth ng gc sa sheraton hotel wohooo maide-date ko na si papa p sa hotel, di na sa motel