Monday, May 26, 2014

PRPB with Janus Silang

Noong Sabado, 24 Mayo 2014, nagpunta kami ni Poy sa book discussion ng PRPB tungkol sa Janus Silang, ang pinakabagong YA novel sa wikang Filipino sa Fully Booked SM North. Naroon din ang author ng aklat, si Sir Egay Samar.



Sa Fully Booked na kami bumili ng aklat. Ang ibang members ng book club namin, ang Pinoy Reads Pinoy Books (PRPB), ay binigyan ng aklat ng publisher na Adarna House para mabasa nila ito nang mas maaga, bago pa mag-book discussion.

Before the discussion, naghanda ng ilang tanong si Doni Oliveros, ang aming moderator at founder. At kanina, bago mag-umpisa ay ipinakilala muna niya ang PRPB dahil may mga participant ng book discussion na hindi pa member ng PRPB.

Pagkatapos, ipinakita ni Kuya Doni ang mga tanong. Nakasulat ang mga ito sa papel na nakabilot at nakalagay sa loob ng isang bote ng mineral. Bawat isa (na nakabasa ng nobela) ay bubunot ng tanong. Kapag hindi nasagot nang kumpleto o maayos ang tanong, puwedeng tulungan ng sinuman na nakakaalam ng kumpletong sagot ang nakabunot ng tanong.



Walang consequence para sa mga hindi makasagot (at kalahati lang ang sagot, merong gumawa nito haahaha), pero wala rin namang premyo para sa mga sumali sa discussion. Premyo na kasing maituturing na kasama namin ang author that afternoon! Aaaat... binigyan din kami ng libreng bag ng Adarna, yey!

Kahit hindi pa namin nababasa ang Janus, nag-enjoy kami ni Poy sa discussion. Maraming nilalang mula sa Philippine mythology ang nabanggit during the discussion: tiyanak, berberoka at iba pa.

Kaya naman, excited na akong umpisahan ang nobela.

Copyright ng mga larawan: beverly w. siy

2 comments:

Jord Earving Gadingan said...

nakakainis dahil nakakatakot ate bebs

babe ang said...

hello jord! sabi nga ni ej hahaha! nauna pa siya kaysa sa amin. oi kamusta ka? asan na ang lagalag? gawin na nating ebook!