tugon sa headline ng diyaryo na: mukhang militar ang mga trabahador mulang china

di ko alam kung naikuwento ko na rito na sa line of work ko, may nakilala akong lalaking cultural worker mula sa china. siya ay nagsilbing parang apprentice sa isa sa mga department ng ccp. nag-o-observe siya at ipinakikilala sa kanya ang mga proseso ng aming ahensiya, ipinakikilala siya sa aming lahat at nalalaman niya ang aming mga pangalan at kung ano ang mga ginagawa ng bawat division.

siya raw ay nagtatrabaho sa isang govt agency sa china na directly related sa performing arts at theater. nang time na iyon ay kalalabas lamang ng VLF book 3 namin kaya nainteres ako kung ano ang puwede naming maging ugnayan sa kanilang ahensiya. so nag-set ako ng meeting with him. one on one.

ano-ano ang mga nalaman ko?

1. napakalaki ng populasyon nila ang sumusuporta sa mga palabas sa teatro. hello, beijing opera!

2. mas type ng mga chinese ang teatro kaysa sine.

3. naisasanla ang script. sabi ko, literal ba na printed copy? oo raw. nilalagay sa vault.

4. napakalaki ng respeto nila sa writers, lalo na sa mga playwright.

towards the end of our meeting, tinanong ko kung saan na siya nakapasyal. sa puerto galera daw. sabi ko, you should try scuba diving. there are lots of nice diving spots in puerto. sabi niya, yes. i know i always go there to dive.

naantig ang scuba diver in me. pinagyabang ko pa na technical diver din ako noon. Dahil ito sa ex kong may-ari ng dive center, libre lahat, dahil siya ang dive instructor ko at kanya ang dive center, hello, i am sam, as in samantala galore, di ba? sayang ang pagkakataon.

ano ang technical diver? ito iyong pumapatos sa malaliman na dive, lagpas 100 meters ganern, at sumusuot sa mga lumubog na barko. at minsan, sa mga kuweba. kailangan ng napakaraming training, skills, at dahil mahal ang equipment, ang training fees, ang renta ng boat, mahal din ang bawat dive, mahal ang mga lisensiya, yes, hindi lang siya isang lisensiya, dahil bago ka tuluyang makapag-technical diving, dadaan ka sa parang hagdan. kailangan mo ng lisensiya 1 bago magkalisensiya 2, and so on and so forth!

alam n'yo, sagot niya? i know.

technical diver si koya. siniguro ko pa ito, mga besh, dahil kako baka mali lang ang intindi niya sa ingles ko. pero tama raw ako. tango siya nang tango nang inisa-isa ko ang mga nagagawa ng tech diver.

nayanig pagkatao ko, nayanig pagka-pilipino ko. mga tatlong minuto yata akong walang imik.

kakaibang kumbinasyon! sigaw ng utak ko. may mali. may mali! cultural worker, pero technical diver? hindi. imposible. unless tulad ko itong samantala galore din ang peg, tipong may ex din na may dive center at libreng nakakakuha ng mga training, equipment, lisensiya!

anong ginagawa nito sa pilipinas?

siguradong-sigurado ang lahat ng neurons ko nang mga sandaling iyon... may mino-monitor ito sa karagatan ng aking bayan.

agad kong tinapos ang meeting. ok, sir, see you around. tindig ako. napatitig din ako sa pansit na inihain ko sa kanya pagdating namin sa meeting area. ni minsan nga pala ay di niya ito ginalaw.