bahabay

baha, aug 3, 2019 sa habay, bacoor at sa loob ng subd namin.

ang unang video ay nang makauwi ako from ccp pa-bacoor na.

ang ikalawang video ay same day, nang paluwas ako papuntang phil readers and writers festival sa raffles makati.

mas mataas ang baha kinaumagahan, hindi na ako makaupo ng side car dahil inaabot na ng tubig ang puwit ko. mabuti at may side car pa rin na bumibiyahe. 80 pesos lang ang naibayad ko dahil iyon na ang lahat ng barya ko. pero kung mayroon pa akong loose change, siguro 100 na, sakto, ang aking iniabot. normally, 10 pesos lang ang sakay. at bente kung hanggang 711 ng mariche, pero tama lang na may dagdag ang bayad dahil napakahirap ng ginagawa ng mga pedikab driver pag baha. delikado pa. itnutulak niya habang nakalublob din sa maruming baha ang sidecar makarating lang pasahero sa may sakayan.

habang nasa gitna kami ng tirona highway ay may biglang humawak sa kanan kong binti, nagitla ako, ano iyon? nakalubog ang binti ko sa baha kaya di ko agad ito nakita. damang-dama ko ang bigat, akala ko ay tao na pumipigil sa akin na bumiyahe paabante. unti-unti kong inangat ang aking binti. and huwat did i see? drumroll please!

napakatabang diaper wrapped around my leg! ansabe ng bacon sa hotdog?! kaloka!

pagdating ko ng raffles hotel, makati, naglaba nagkuskos at nagkula ako ng sarili kong hita binti paa sa cr nilang napaka-posh, pangmansiyon ito. kasehodang mukha akong naliligo sa may harap ng lababo sa ginagawa ko, wala akong pakialam. kulang na lang ay mag-walling ako't sumigaw ng andumi dumi dumi koh! anobah!

erk. yik. ngilo sa diri.