payment blues sa ccp

hi, how are you? ako? madalas pa ring malungkot. pero lumalaban. sobrang busy ko ngayon sa mga personal book project. kasabay ng mga project sa opis. medyo nangangarag na ako sa opis, andaming sumasablay na bagay. andami naming payables na hindi mabayaran dahil sa mga estupidong rule. halimbawa, kailangan may special power of attorney para ma-claim ko ang check ng tao na hinayr namin for a project.

kung may bank account, bakit di na lang bayaran nang direkta ng cashier ang mga tao? una, hindi na trabaho ng artistic ito. trabaho na ito ng mga taga-financial services. kaya dapat, sila ang gumawa ng paraan para makapagbayad sa mga tao. ang ginagawa nila, nire-require nila ang mga tao na magpunta sa ccp para i-claim ang sariling check. as if, napakadaling magpunta rito. ako nga na 1.5 to 2 hours lang ang biyahe papasok ng ccp ay iritang-irita sa biyahe, paano pa kaya ang iba?

grabe. napaka-old school ng mga nag-i-implement ng estupidong rules na ito. kung hindi makakapunta ang tao ay puwede namang mag-special power of attorney at ipanotaryo ito. e magkano ba ang notaryo? 100 to 200 pesos. dito lang sa kanto ng vito cruz at taft ang may 30 pesos na notaryo, na tinatanggap ng ccp! at kailangang dalhin ang notarized special power of attorney dito sa ccp para mabigyan ako ng power na ma-claim ang check. guess what magkano ang courier? 75 to 150 pesos, depende sa distansiya. so pagagastusin mo ang tao na kailangan mong bayaran, nakakaloka.

sa ibang govt agency, balita ko, puwede na ang bank to bank transaction. so tinanong ko kung puwede ba ito sa ccp. una, mas efficient. pangalawa, mas safe. ang nakuha kong sagot, hindi raw kasi kami ordinaryong govt agency. parang gocc kami, under kami ng gcg (government commission for the goccs). andaming kiyeme, nagiging anti-artist tuloy ang rules sa pagtanggap ng bayad.

siguro sa lahat ng division dito, kami ang pinakakawawa. ang mga writer kasi ay makakapagbigay ng serbisyo at akda nila nang hindi nagpupunta sa ccp. mabubuo ang libro nang hindi sila nagpupunta sa ccp.

unlike ang mga direktor, performer, singer, dancer, lahat sila, makakapunta ng ccp para sa kanilang performance or show, kaya posibleng pisikal nilang ma-settle at mapirmahan ang mga kontrata at iba pang dokumentong pinansiyal.

so, paano na iyan? ano ang dapat gawin? ganyan na lang, agrabyado na lang kami?

isa pa, may pataw na 120 pesos na reprocessing fee kapag na-stale ang check. e hindi naman laging narito sa metro manila ang mga tao na babayaran namin. posibleng nasa sulok sila nga kapuluan. o kaya ay nasa abroad. so paano nila makukuha ang check nila in 180 days (ang haba ng buhay ng isang check)? dapat i-scrap na ang P120 na reprocessing fee. kasi hindi naman perpekto ang sistema ng payment ng ccp. hindi bukas ang cashier's office kapag sabado at linggo. hindi rin naman ito bukas nang beyond office hours, 8am to 5pm lang ito.

kaya sana, huwag nang parusahan financially ang mga tao na dapat namang bayaran ng ccp. dapat scrap ang 120 pesos reprocessing fee. ang mga tao na kailangang bayaran ng ccp ay hindi nangangarap na ma-stale ang check nila. so, huwag na silang parusahan for reprocessing it. saka kung ang isinusumbat nila ay ang tagal at hirap ng pagproseso nila para lang magka-check ang isang tao, bakit, pinapatawan ba sila ng parusa ng artist kapag late ang payment sa kanila? humihingi ba ng additional payment ang mga artist? nagcha-charge ba ito ng interes for the delay? hindi naman. so dapat, fair lang. patas lang. walang penalty-penalty. wala nang reprocessing fee.