iso the sign, the exit sign

sa wakas!

iso certified na ang ccp! yehey!

kanina during the flag ceremony ginanap ang turn over ng certification namin. it was led by mr. renato navarete of certification international and ccp president nick lizaso.

actually, dec 19 pa lang daw ay certified na kami, pero ngayon lang nagawa ang formal turn over ng certificate para nga naman masaksihan ito ng lahat.

nakaka-proud, haha!

then nagbigay ng mensahe si mr. navarete. limang bagay lang ang naalala ko:

1. ang iso ay hindi para pahirapan ang institusyon o organisasyon o kumpanya. ito sana ang magpaalala sa inyo, during tough times, ng mga tunay na dahilan kung bakit ninyo ginagawa ang inyong ginagawa. in short, customer satisfaction. ibig sabihin, ang inyong mga ginagawa ay para talaga sa manonood, sa mga recipient ng artistic services at productions ng ccp.

2. ipinaalala sa inyo ng iso ang risk based management. ibig sabihin, lagi kayong mag-iisip ng plan b sa lahat ng bagay mula ngayon. and from that, mate-train kayo to see the opportunities behind the risks, behind the plan b.

3. ang iso ay documentation para sa susunod na henerasyon at para din makita ng susunod na henerasyon ano pa ang mga dapat ma-improve doon sa mga prosesong ginagawa natin ngayon.

4. tinitingnan ng iso kung ang sistema ninyo ngayon ay ang best at most efficient system para mismo sa inyong institusyon/organisasyon/kumpanya.

5. and lastly, ang iso ay tumutulong sa inyo para mapanatili na integrated ang inyong pagkilos. minsan, sa tanda ng isang institusyon/org/kumpanya, nagkakaroon ng tendency na magkanya-kanya ang bawat unit. sa iso, ipapaalala nito ang iisang direksiyon ng lahat para sa sabay-sabay nitong pagsulong.

ang dami kong natutuhan sa iso-iso na ito, sa totoo lang. at bilang baguhan dito sa ccp (kumpara sa mga 20-30 years nang naglilingkod dito), naging malinaw sa akin ang kalikasan ng ccp, ang mga proseso, at ang tunguhin nito. so, irerekomenda ko ba ang iso sa lahat ng katulad naming institusyon, iyong arts and culture ang slant?

oo! mahirap sa umpisa, pero once na in place na iyan, madali na ang lahat.

ang mga con lang na naranasan ko ay:

1. earlier speakers namin na walang idea sa artistic at cultural work
2. paiba-iba ng format, iba-iba ang itinuturo sa amin per set of speakers
3. auditors na wala ring masyadong idea sa artistic at cultural work
4. kapag di idineklara ng isang institusyon/organisasyon/kumpanya ang isang proseso, walang lalabas na dokumento patungkol dito. therefore, hindi siya malalaman ng iso certifying body dahil undeclared nga. di ito masa-subject into auditing. so, kung ano lang ang ideklara mo, iyon lang ang titingnan nila. kapag palpak ang proseso na di mo idineklara, di iyon mache-check.

habang nagsasalita si sir navarete, bigla kong naisip na parang gusto kong mag-apply as auditor ng isang certifying body. im sure, wala o napakakaunti ng artist o cultural worker sa mga iso certifying body. samantalang kailangan na kailangan sila sa mga institusyon gaya ng ccp.

at bilang pagtatapos, nais kong bigyan ng karampatang recognition ang isa sa mga miyembro ng core team na sa palagay ko ay naghirap nang bonggang-bongga. ito ay walang iba kundi si clifford colubio ng ccp internal audit dept. isa-isa niya kaming pinupuntahan at tinuturuan noong hirap kaming intindihin ang mga konsepto ng quality management system na ito. siya ang taga-post sa balagtas integrated database namin para maging gabay ang mga ginawa namin na document sa iba pang unit ng ccp. siya rin ang nagmo-monitor ng mga natapos na at di pa natatapos na documents (napakahirap nito dahil andami-dami naming department at division sa ccp. puwede palang per process ang pagpapa-certify, so ito ay tip sa mga magpapa-iso, hindi kailangang lahat ng proseso ang ipa-certify nang isahang buhusan lang. puwedeng paisa-isa ang serbisyo o prosesong ipapa-certify). siya rin ang taga-follow up sa amin, lalo na kung malapit na ang auditing ng 3rd party. siya rin, for god's sake, ang napagbuntunan ng inis ng mga head sa mga di kaaya-ayang pagkakataon. yes, naranasan niya ang masigawan sa harap ng mga head ng ccp units. nagkakainitan minsan ng ulo dahil sa time constraint, marami ang di nakakaabot sa deadline, dahil sa mali-maling content ng mga dokumento, at dahil sa pressure na magawa ang lahat.

kung pagpaparti-partihan ang iso certificate ng ccp, malaking pilas ang para kay clifford. mabuhay ka, clifford!