translation ng ccp historical marker 2

dumaan kay sir nick lizaso ang ginawa ko at kay sir chris millado.

so may mga napalitan na salita (si sir chris ang nagpapalit in consultation with me kanina) at palagay ko naman ay mas angkop nga ang mga salitang ibinigay ni sir. so, eto na:


ALAY SA MGA FILIPINO NOONG IKA-8 NG SETYEMBRE 1969, ANG SENTRONG PANGKULTURA NG PILIPINAS AY BUNGA NG ILANG DEKADANG PAGPUPUNYAGI NG DI MABILANG NA MGA ALAGAD NG SINING NG PILIPINAS UPANG MAKAPAGTATAG NG ISANG TANGHALANG PAMBANSA, UPANG MAGKAROON NG NATATANGING LUNAN PARA SA ORIHINAL AT PINAKAMAHUHUSAY NA PRODUKSIYONG ARTISTIKO MULA SA IBA’T IBANG BAHAGI NG KAPULUAN, UPANG MAGSILBING SINUPAN NG DIWANG FILIPINO NA IPINAPAHAYAG SA PAMAMAGITAN NG SINING AT KULTURA, AT UPANG MAGING ISANG INSTITUSYON NA PATULOY NA TUTUKLAS, LILINANG AT MAGTATAGUYOD NG TALINO, TALENTO, AT LIKHA NG SUSUNOD NA SALINLAHI NG MGA FILIPINO PARA SA LAHAT.

ITINAYO NG D.M. CONSUNJI, INC. AT TRANS ASIA, PHILIPPINES SA PAMAMAGITAN NG KAUTUSANG TAGAPAGPAGANAP BLG. 30 NOONG 25 HUNYO 1966 SA PATNUBAY NG UNANG GINANG IMELDA ROMUALDEZ MARCOS AT AYON SA DISENYONG PANG-ARKITEKTURA NG PAMBANSANG ALAGAD NG SINING NA SI LEANDRO V. LOCSIN. PINASINAYAAN NOONG 8 SETYEMBRE 1969.

binring up ko kay sir na tinanggal ko ang name ni imelda. sabi niya, sino ang nagpatanggal? sagot ko, wala po, ako lang po. ibalik mo dahil hahanapin ng board iyan. akala ko ay inutusan kang tanggalin iyan. sabi ko, pinirmahan po ni sir nick kahit wala po ang pangalan ni imelda. sabi niya, baka di lang napansin, ano sa tingin mo? ako nga rin, gusto kong wala iyan, e.

ang naisip ko, pag ipinilit ko ang aking version na walang imelda, baka si sir nick ang mapagalitan ng board.

so ang nangyari, ibinalik ko ang imelda nang i-revise ko ang salin. hay. sad life.

anyway, kahit paano ay masaya akong gawin ito. kasi hello, historical marker text kaya ang isinalin ko. panghabambuhay!

salamat, ccp, sa pagkakataon.