ni Beverly W. Siy
Dalamhati ang nagdala
sa pagal na mga paa
ng laksa-laksang mga saksi
sa pagbaril kay Onil.*
Sa naglalawang luha at luksa,
Isiniwalat nila sa kapwa salat
Ang paisa-isa at paunti-unti
Na pagkitil sa kanilang uri.
Tipunin man nila ang kanilang mga tinig,
Kailanma'y di makakarma ang mga nakaarmas.
Sapagkat magkasabwat
ang batas at ang nasa itaas.
*Palayaw ni Dionel Campos, isa sa mga pinuno ng lumad na pinatay diumano ng puwersang Magahat-Bagani noong 1 Setyembre 2015 sa Lianga, Surigao del Sur.
No comments:
Post a Comment