bulay-bulay

nakakabad trip ang taon na ito para sa akin.

1. wala akong na-publish. lahat ng ipinasa ko, na-reject. itong ipinasa ko last year sa ani para sa taong ito, natuklasan ko neto lang, wala palang attachment. so in short, hindi nakarating ever ang isasali ko sana sa ani.

2. hindi ako nanalo sa palanca na talaga namang kinarir ko at ipinanalangin.

3. hindi ako nagkaroon ng grades sa dalawang subject na in-enrol ko ngayong sem.

4. na-deload ako dahil nga sa di matapos-tapos na MA.

5. na-deny ang aking us visa application.

6. noong isang araw lang, may hiningi ako sa dekana namin, na ni-reject niya outright at harap-harapan talaga.

7. isa lang ang nilikha kong bagong akda. natalo pa sa contest na sinalihan.

8. at angaw-angaw pang mga pagkabigo sa iba't ibang aspekto ng aking buhay.

pero naisip ko rin na lubha pa rin akong masuwerte ngayong taon na ito. let me count the ways...

1. nakakasama ko ang buo kong pamilya. walang nagkasakit sa amin at lalo namang walang nabawas. bagkus, madadagdagan pa. excited na nga kami. pag pangit ang anak mo, kim, patay ka sa alaska.

2. napunta na sa amin ang bahay namin sa las pinas. nabayaran na ang lahat ng utang sa orig na may-ari ng bahay, sa tubig at sa koryente. thank you god talaga. napagawa pa ang loob ng bahay at kahit mukhang extended na kubeta ang buong sala namin dahil sa tiles na pinagdididikit ng nanay ko doon, e ok na rin.

3. dumami ang mga kaibigan ko sa eskuwela at naging masaya ang bawat lunch, meryenda, lakwatsa namin.

4. 88.6% ang average ni ej sa school. top 11 daw siya. top 10 ang crush niyang si roselle.

5. naabot ko ang target na savings ko at baka madagdagan pa dahil sa mga bonus dito sa paaralang talaga namang generous.

6. walang nasalanta ng bagyo sa buong pamilya ko at mga minamahal sa buhay. ang bahay sa kamias, ni isang pulgada, hindi binaha. ang bahay sa las pinas, inabot ng baha pero naisalba ang lahat ng gamit dahil naroon pa si daddy ed na siyang tumulong sa nanay kong mag-akyat ng mga gamit nang panahon na iyon.

7. lumiit at isa na lang ang dagang namemeste sa bahay.

8. nanalo ako sa marathon at sprint sa sportsfest para sa mga guro. (halos walang kalaban sa aking division dahil medyo thunders ang mga guro dito sa paaralang hirang. kaya lima lang kaming naglaban-laban na mga bata. 4 doon e mga barkada ko pa. kamusta naman?)

9. binigyan ako ng tatlong prof ng tsansang makapag-complete sa century-old kong mga INC. nge talaga.

10. punumpuno ng pagmamahal ang mga araw ko. weeeeeee!

11. lagi kaming magkasama ni wenilinda. tumatalino tuloy ako.

12. wala akong utang, 'yong seryosong utang. merong konti, sa credit card. lintik na credit card. totoo palang nakakatukso ang gumamit nito at umutang nang umutang. gusto ko nang ibaon sa lupa ang card na iyan!

13. nakatapos ako ng isang paper para sa isa kong subject.

14. at marami pang iba. at marami pang darating.

so bakit ako maglulunoy sa unang listahan, kung mas masarap basahin ang pangalawa?

lord, thank you sa mga ibinigay ninyo at higit sa lahat sa mga hindi ninyo ibinigay. hindi ako maghahangad ng mas mahusay o magandang taon para sa 2010. kasi alam ko namang anuman ang ipinlano ninyo ay sapat at tama lang para sa akin at sa lahat ng aking minamahal.

amen.