Wednesday, March 13, 2013
Sinauna
ni Beverly W. Siy
Sa panahon ng babaylan,
Kalatas ng sampagita
Sa isang munting ibon:
Katutubo
Ang rosas bilang rosas
Sa parangal ng bayani.
Sa panahon ng babaylan,
Kuwento ng mga tubigan:
Pangangarap-ulap,
Pagbabalik ng mga tagak
Isang umaga sa tabing-dagat.
Sa panahon ng babaylan,
Kuwento ng gabi:
Isang musmos
Sa kapritso ng apoy
Ang babaeng minsang lumusong sa putik.
May isang bulaklak na dilaw
Ang putik na ito.
Mortal?
Ang totoo:
Ginto ni Makiling.
Sa panahon ng babaylan,
Pagbukad ng liryo, kamya’t gumamela,
Sa gitna ng ulan,
Sayaw ng hamog,
Halimuyak ng pulo:
Kahulugan ng buhay.
Sa panahon ng babaylan,
Tinuturuan tayong magpigil at maghintay.
*Ang pamagat at bawat taludtod ng tulang ito ay pamagat ng mga tula ni Rio Alma na nasa Talaan ng Nilalaman ng aklat na Una Kong Milenyum. Inilimbag ito ng UP Press, 1998.
Subscribe to:
Post Comments (Atom)
Hindi copyright, pero usapin pa rin ng karapatan ng manunulat
Minsan, hindi talaga usapin ng copyright ang isang bagay. Ito ay recently kong naengkuwentro. Si Kyla ay na-meet ko sa isang writers works...
-
Tinipon nina Ma. Elena Consolacion Tacata at Ma. Lourdes Quinabo Kurso: Bachelor of Secondary Education –Teaching Chinese as a Second La...
-
yumao na noong nakaraang buwan si genoveva edroza-matute. noong elementary at high school ako, namumutiktik sa mga akda niya ang mga aklat...
-
by Martina Magpusao Herras The Philippine High School for the Arts Creative Nonfiction 3 Half and half (1979-1994) Beverly “Bebang”...
No comments:
Post a Comment